Santurtzi-Bilbao 15.4 kilometroko probak 31. aldia egin zuen joan zen asteburuan eta, ohi moduan, goi mailako korrikalariek parte hartu zuten. Haien artean lan bikaina osatu zuten eskualdeko hiru korrikalarik. Durango Kirol Taldeko Oier Ariznabarreta probako bigarren euskalduna izan zen Ivan Fernandezen atzetik eta zortzigarren geratu zen sailkapen orokorrean. Honako hau izan zen bere denbora: 47.39. Durangaldea Running taldeko Dabid Garcia 12. tokian sailkatu zen, 49.07-ko denborarekin. Scorpio 71 taldean dabilen Araitz Villa abadiñarrak, berriz, bederatzigarren tokia lortu zuen emakumeen sailkapenean (58.31).
Mimenza bosgarren, Donostian
Azpimarratzekoa da Aitor Mimenzak Donostiako maratoi erdian egindako lana ere. Durango Kirol Taldeko elorriarra bosgarren geratu zen lasterketa prestigiotsu horretan.