Derbi "intentsoa" itxaroten du Aitor Daroca Sasikoako entrenatzaileak: "Hemen entrenatzaile daramatzadan bost urteetan intentsoak izan dira beti derbiak, eta aurten lehenengo eta bigarren egoteak areagotu egiten du ikusmina", azaldu du. Zaleei "harmailak betetzeko" deia egin die.
Hitzarmena Landakogaz
Ligako bolada onari eusteaz gainera, Sasikoak beste helburu nagusi bat du aurtengo denboraldian: harrobia indartzea. Ildo horretatik, Landako eskolagaz lankidetza hitzarmena sinatu dute, eta bertan benjamin mailako talde bi sortu dituzte. "Gazteak dira klubaren etorkizuna, eta ondo zaindu gura ditugu", aipatu du Darocak.