Abadiñoko kiroldegian batu dira gaur eskualdeko kiroldegietako langileak. Salatu dutenez, jokabide “arduragabea” izaten ari dira udaletxeak eta enpresak. Gogora ekarri dute duela 17 hilabete eratu zirela patronalaren eta sindikatuen arteko negoziazio bilerak, eta, oraindik auzia konpondu barik dagoela.
Ohar batean azaldu dutenez, “aitortu gabeko lan orduek” eta “soldata miserableek” bultzatu dituzte langileak “10 eguneko borroka piztera”. Urriaren 28an hasi zituzten lanuzteak eta azaroren 10era arte luzatuko dira. Maiatzean eta ekainean ere egin zituzten antzerako grebak.