Durangaldeko kulturgileek dolua agertu dute Iñigo Muguruzaren heriotzaren aurrean

Atzo zendu zen musikari irundarra urte luzez gaixorik egon ondoren. Euskarazko kulturari ekarpen oparoa egin dio eta horren erakusgarri dira bidean jorratu dituen proiektu musikalak. Kortatu, Negu Gorriak, Delirium Tremens, Joxe Ripiau, Sagarroi, Lurra eta Hiru Leike taldeetan estetika musikal asko landu ditu. Durangaldean ere hainbat kontzertu gogoangarri eman ditu. Azkenenegotarikoa, 2014an eman zuen Ahotsenean, Lurra taldearekin.