Lehenengoz ibiliko zara AEK Ibiltarian. Zergatik erabaki duzu parte hartzea?
Lau urte daramatzat Euskal Herrian bizitzen. Klaseetatik kanpora irten eta euskaraz modu dibertigarrian sozializatzeko zerbaiten bila nenbilen. Sarritan hain ondo egin gura dudanez euskaraz, ez dut egiten, ez naizelako kapaz sentitzen. AEK Ibiltariak presiorik barik euskaraz aritzeko giro atsegina eskaintzen du, eta horixe bilatzen dut. Euskaraz errazago berba egingo dudala uste dut.