Lautadak, basoa, itsasoa… Euskal Herriko 11 aurpegiak erakutsiko ditu AEK ibiltariak

Joseba Derteano 2019ko uzt. 12a, 08:30
Deskargatu Info Ahotsak :

Aste bian euskaraz bizitzeko eta Euskal Herriko bazterrak ezagutzeko aukera eskaintzen du urtero AEK ibiltariak. Aurtengo 23. aldia nobedadeekin dator. Bizikletako ibilbidea bertan behera utzi eta indarrak oinezkoan kontzentratu dituzte. Horrela, aurten bat beharrean, oinezko ibilbide bi daude aukeran, eta euretako bat berria da; datorren astelehenean Oion (Araba) herrian hasi eta Lekeition amaituko dute, 15 etapatan 280 bat kilometro egin ondoren.

Euskal Herriko askotariko paisaietan pentsatuz osatu dute ibilbidea. "Gure lurretan dauden aurpegi anitzak lotu gura ditugu. Arabako mahastiak, Urbasako basoak zein hainbat mendi ezagutu, eta kostaldean amaituko dugu", adierazi du Asier Arroita AEK Ibiltariko antolatzaileak.  

Otxandion eta Garain
Durangaldetik ere igaroko dira. Uztailaren 25eko etapa Otxandion amaituko da, eta hurrengo egunekoa, Garain. Herri bi horietan egingo dute lo.

AEK ibiltariko bigarren ibilbidea abuztuan egingo dute eta, batez ere, Ipar Euskal Herritik ibiliko dira. 

Euskara
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!