Boisekoa izanda, jatorri euskaldunekoa al zara?
Euskaldun asko dago Boisen, baina nik ez dut jatorri euskaldunik. Unibertsitatean aukera hori zegoen, eta irakaslea Euskal Herriari buruz berbetan entzutean animatu egin nintzen. Orain 3-4 urte etorri nintzen lehenengoz. Hau jadanik nire laugarren aldia izan da, luzeagoa; hamar hile egin ditut. Zorte handia izan dut lagunekin ere, eurekin ia Euskal Herri osoa ezagutu ahal izan dut eta. Pena handiagaz noa, baina bueltatuko naiz.