LAB: "Metalgintzan grebara joatea beste biderik ez digu utzi patronalak"

ELA, CCOO, LAB, UGT, ESk eta CGT sindikatuek maiatzaren 23rako eta ekainaren 6, 7, 20 eta 21erako grebara deitu dute Bizkaiko mtelagintza sektorean. LABeko kideek deialdiari babesa eman diote prentsara bidalitako mezuan. "Deialdi honekin erakutsiko diogu patronalari gure eskubideekin ez dela jolasten".

15 hilabetez ibili dira sindikatuak eta patronala hitzarmena adosteko negoziazioetan, baina LABek azaldu du ez dela aurrerapausorik egon. "Patronala eroso eta harrotuta dago, eta prest dago enplegua suntsitzeko eta sektoreko lan baldintzak prekarizatzeko bere estrategiarekin jarraitzeko". Grebara joatea "serioa ez izatea" kritikatu zuen patronalak, eta defentsa egin du LABek. "Serioa ez dena da Bizkaiko metalgintzak 10 urtez soldata izoztuta izatea, patronala bera aberasten ari den bitartean", uste dute langileek. Bestalde, sindikatu abertzalearen iritziz "arazo sozial eta politiko" bat ere bada, eta instituzioen inplikazioa eskatu du.

15 hiletan mobilizatzen eta lanean egon dela dio LABek, eta grebaren beharra aldarrikatu duela. Greba honen bidez, "hitzarmen berri eta duin bat" lortzeko itxaropena du. Bihar, eguaztena, sindikatu guztiek elkarretaratze bat egingo dute Durangoko Andra Marian, 19:00etan, grebaren bezperan. Eguenean 05:00etan hasiko dira piketeekin, eta 11:30erako Bilboko manifestaziora joango dira. 

Erlazionatuak

Bizkaiko metalgintzan deitutako greba babestu du CCOOk elkarretaratze bategaz

Durangaldea

Bost greba egun deitu dituzte Bizkaiko metalgintzako enpresetan, hitzarmen duin bat eskatzeko. Maiatzaren 23an eta ekainaren 6an, 7an, 20an eta 21e...
CNTk Bizkaiko Metalgintza sektoreko grebarekin bat egiten du

Erabiltzailearen aurpegia Durangaldea

Maiatzaren 17an, Bizkaiko metaleko sail sindikalek ELA, LAB, UGT eta CCOO sindikatuek deitutako greba egunetan parte hartzea adostu zuten. Lur...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.