Bizkaiko metalgintzan deitutako greba babestu du CCOOk elkarretaratze bategaz

Aitziber Basauri 2019ko mai. 13a, 17:00
Deskargatu Info Ahotsak :

Iurretak elkarretaratzean egin dute CCOOeko Durangaldeko Metal Arloko ordezkariek

Bost greba egun deitu dituzte Bizkaiko metalgintzako enpresetan, hitzarmen duin bat eskatzeko. Maiatzaren 23an eta ekainaren 6an, 7an, 20an eta 21ean daude kalera irtetera deituta metalgintzako langileak. ELA, LAB, CCOO eta UGTek joan zen barikuan egin zuten greben erregistroa, Bilbon, Eusko Jaurlaritzan. CCOOeko metalgintzako Durangaldeko ordezkariek asanblada egin dute, gaur, Iurretan. Ondoren, elkarretaratzea egin dute grebagaz bat egitera deitzeko.

ELA, LAB, CCOO eta UGT sindikatuetako ordezkariek, Bilbon, Eusko Jaurlaritzan egin zuten greben erregistroa, joan zen barikuan.

Sektoreko hitzarmenaren berritzearen garrantzia nabarmendu dute Iurretan Iker Gonzalezek CCOOko Negoziazio Kolektiboko Bizkaiko arduradunak eta Jaime Intxaustik sindikatuko Durangaldeko arduradunak. Bizkaian 45.000 langile inguruk dihardu metalgintzan lanean, eta, Durangaldeko enpresen %70 inguru metal arlokoak dira. Gaur egun, indarrean dagoen hitzarmen kolektiboa 2008an onartu zuten. Hiru urterako eragin mugatuko hitzarmen kolektiboa onartu zuten CCOO eta UGTk. Hitzarmen "duin" baten alde lau sindikatu nagusiek bat egin dute oraingoan eta kalera irteteak duen garrantzia nabarmendu dute Gonzalezek eta Intxaustik. 

Maiatzaren 17an bilduko da negoziazio mahai berriro. Maiatzaren 23rako bestalde manifestazioa deitu dute lau sindikatuek. Jesusen Bihotza plazatik irtengo dira eta Bizkaiko enpresen federazioaren egoitzaren aurrean bukatuko dute.

 

 

 

 

 

Ekonomia
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!