DesBandadas argentinarrek disko berria aurkeztuko dute Durangaldean zehar

DesBandadas argentinarrek disko berria aurkeztuko dute Durangaldean zehar

DesBandadas talde argentinarrak maiatzaren 15ean ekingo dio Una crónica musical feminista diskoaren birari. Egun bat geroago, maiatzaren 16an, Elorrioko plazan zuzeneko emanaldia eskainiko dute, 20:00etan. 

17an Berrizko udaletxeko lorategian eskainiko dute kontzertua(19:30); eskualdeko beste kontzertua Durangon izango da, maiatzaren 23an, 20:30ean; San Agustin kulturgunean izango da. Batukandraren eskutik datoz.

Talde aktibista
Silvia Palumbo abeslari eta taldearen zuzendariak eta emakumezko aktibistek osatzen dute DesBandadas. Indarkeria matxistaren ondorioez abestu ohi dute euren kantuetan: feminizidioez, biolentzia estetikoaz eta sexu abusuez, besteak beste. Euren abestiekin, gizartean eragitea eta hausnarketa sortzea dute helburu.