Mañariko alkate den Endika Jaiok egin zuen berba Urkiola Landa Garapen Alkartearen izenean, eta adierazi zuen diseinatu duten elikadura plana "aitzindaria" dela. Gaindegiko Imanol Esnaolak azaldu zuen elikadura kulturan eragitea izango dela lehenengo lan ardatza. Bere esanetan, sozializazioaz gain beharrezkoa izango da distribuzio sareak sortzea, eskoletara bertako produktuak eraman behar badira, adibidez. Lurrak ekoizpenerako gordetzea ere ildo bat izango da.
Turismoari dagokionez, Kati Simon alkarteko teknikariak esplikatu zuen Durangaldean helmuga turistikoa eraikitzea dela helburu nagusia, 2023 jomuga hartuta. "Kalitatezko turismoa" sustatuko dute, 29 ekintzagaz.