Bilboko Loraldiaren barruan Kalaportu izeneko ikuskizuna eskaini zuten atzo Arriaga antzokian, Joseba Sarrionandiaren letrak musikatuta. Eñaut Elorrieta, Mikel Urdangarin, Ines Osinaga, Miren Narbaiza, Rafa Rueda, Dana, Joseba Irazoki & Beñat Axiari, Audience, Harkaitz Cano eta Uxue Alberdi izan ziren partaide. Amaieran sorpresa bat agertu zen: ekitaldirako espreski bidalitako Gauntanamera abesti kubatarraren letraren bertsio bat bidali zuen idazle iurretarrak Habanatik, eta musikari guztiek batera abestu zuten.