Martxoaren 13an hasiko da Bizkaiko Bertsolari Gazteen XXVII. txapelketa

48 bertsolarik parte hartuko dute, tartean, Durangaldekoak ere egongo dira.

Seina bertsolarik osaturiko zortzi talde lehiatuko dira txapelarengatik. Lau sailkapen saio egingo dira, eta finala apirilaren 3an izango da Bilboko BBK aretoan. 

Durangaldeko seikotea Lea Artibaiko taldearen aurka lehiatuko da, martxoaren 21ean. 10:30ean izango da kanporaketa. Irabaziz gero, martxoaren 28an izango dute finalaurrekoa, Sopelako Ander Deuna ikastolan.