Euskadiko txapelketa joan zen asteburuan jokatu zen, Bilboko Miribilla pilotalekuan. Kortabitarte, Murgoitio, El Qesyry eta Aizpiri 63, 65, 57 eta 81 kilora arteko pisuan geratu ziren txapeldun, hurrenez hurren.
Rafa Benito zaldibartarrak zilarrezko domina irabazi zuen 74 kilora arteko pisuan. Azkenik, Iker Duñabeitia elorriarrak —74 kilora arte— David Sanchez durangarrak —69 kilora arte— eta Txaber Mendez elorriarrak —63 kilora arte— brontzezko dominak eskuratu zituzten.
Kirolari denak Elorrioko Indar Xsport edo Durangoko Laureano Team taldeetan dabiltza.