Bizkaiko bertsolaritzaren ekosistema elikatzeko helburuagaz, Bizkaiko Taldekakoa antolatu du Bizkaiko Bertsozale Elkarteak beste edizio batez; 2017an antolatu zuten lehena. Bertso eskolak, bertsolariak, zaleak, zein gai jartzaileek, epaileek eta antolatzen duten taldea indartzea da. Durangaldeko hiru taldek parte hartuko dute txapelketan: Durangoko eta Iurretako kideek osatzen duten Tronperrieta, Berrizko eta Elorrioko Miotako Bidelapurrak eta Abadiñoko Koipelustre´s taldeek. Hain zuzen ere, txapelketari hasiera emango dion saioan Tronperrietako kideek abestuko dute. Otsailaren 24ean izango da saio hori, Algortan.