Asteburuan hasi dute Laboral Kutxa Emakume Master Cup binakako pilota txapelketa. Maialen Magunagoitia atxondarrak Iraia Barkos bilbotarrarekin osatu du bikotea. Hiru bikoteko ligaxkan, lehenengo partidua galdu eta bigarrena irabazi zuten Usansoloko pilotalekuan. Irati Blazquezen eta Karmele Egañaren kontra nahiko erraz (7-18) lortutako garaipenak bigarren kanporaketarako txartela eman zien.
Ainhoa Ruiz de Infante otxandiarrak eta Nora Mendizabal andoaindarrak ere garaipen eta porrot banarekin hasi zuten txapelketa Galdakaon jokatutako ligaxkan. Maialen Ganzaranen eta Ana Aguileraren kontra lortu zuten garaipena (7-18).