EH Bilduk uste du Jaurlaritzak "erantzukizunari ihes" egin diola jantokien ardura gurasoei utzita

EH Bilduko eskualdeko zenbait ordezkariren prentsaurrekoa, artxiboko irudian.

Ohiko catering sistemaz aparte, gura duten guraso elkarteei euren kabuz eskolako jantokia gestionatzeko aukera emango die Eusko Jaurlaritzak. Durangaldeko Berton bertokoa dinamikak ez du begi onez ikusi, eta gaur EH Bilduk ere irakurketa zabaldu du gaiaren harira. 

EH Bilduk uste du Jaurlaritzak “erantzukizunari ihes” egin diola. “Jaurlaritzak ondo daki guraso elkarteetan aritzen direnak boluntarioak direla eta ez dutela gaitasun errealik jantokien jardun osoa bideratzeko”. Koalizioaren iritziz, gestioan eskolako komunitate osoak parte hartu beharko luke, ez gurasoek bakarrik. 

Jaurlaritzak "aurrera eramatea ezinezkoa den eredu bat" proposatu duela kritikatu du EH Bilduk. Sistema aldaketa erreklamatzen jarraituko duela dio, eta autogestioaren eredua hartzen badu guraso elkarteren batek, “aukerak jorratzeko” prest ere agertu da.

Erlazionatuak

Berton Bertokoa ez dago ados Jaurlaritzak jantokietarako egin duen eredu aldaketagaz

Durangaldea

Gernikan eta Markinan garatutako esperientzi pilotuen eredua arauan sartuta, guraso elkarteei euren kabuz jantoki zerbitzua gestionatzeko aukera em...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.