Eguaztenean zeharkatu ditu euskal lurraldeak Vueltak, Getxon hasi eta Oizen amaituko den etapagaz. "Gure herria bizirik dagoen herria dela munduari erakusteko aukera eder bat edukiko dugu berriro", esan du Agirrek.
Lasterketako antolatzaileek euskara erabili beharko luketela uste du EH Bilduk, "herri izaera" errespetatua izan dadin. Horrez aparte, gastu publikoaz ere kezka agertu du Agirrek. "Bizkaitarrok jakin behar dugu zenbat balio duen Vueltaren irteera eta helmuga hemen izateak, eta zenbat diru publiko gastatu den enpresa pribatu batek antolatzen duen ekimenean. Erakundeetan galdetuko dugu zer gastu publiko egin den".
