'Garai' zerbezaren estilo berri bat aurkeztuko dute barikuan

'Garai' zerbezaren estilo berri bat aurkeztuko dute barikuan

Irailean kaleratu zen Durangaldeko lehen artisau zerbeza, eta makina bat tabernatan dastatu ahal izan da geroztik. Garagardo familia horretako kide berri bat dakarte orain, ilunagoa. Barikutik aurrera hasiko dira eskualdeko tabernatan banatzen. 

Txoria nuen maite tabernan egingo dute zerbeza berriaren aurkezpena, 19:00etan. Gero, 19:30ean, tabernagaz elkarlanean dastaketa berezia prestatuko dute; edariagaz batera pintxo bat eskainiko dute, 2,5 eurotan. Gainera, musika jartzaile bat ere egongo da giroa laguntzen. 

Irailean kaleratutako zerbeza horixka zen, lupulo zapore apur bategaz, baina edateko erraza. Oraingoa ilunagoa eta txigortuagoa da, American Pale Ale estilokoa, lupulo amerikarragaz egindakoa. Zenbait dastaketa egin dituzte kaleratu aurretik, eta jendeari gustatu zaiola ikusita, botilaratu eta komertzializatzea erabaki dute, Ibon Berriozabalgoitiaren esanetan. 

Erlazionatuak

"Durangaldean bertako zerbeza edan dadila, hori da gure intentzioa"

“Atera egidazu Garai zerbeza bat”. Hori da eskualdeko zenbait tabernatan entzuten hasi den eskaria. Izan ere, Durangaldeak badauka bere...