Durangon, Santa Anatik abiatuko da lasterketa. 17:00etan umeak, 17:15ean umeak eta 17:30ean 14 urtetik gorakoak abiatuko dira.
Zornotzako Udalak lasterketa herrikoia antolatu du domekarako. Probak bi modalitate izango ditu. Lehenengoa 0 eta 10 urte arteko umeei zuzenduta egongo da, eta 300 metro egin beharko dituzte. Bigarrena 11 urtetik gorakoentzat izango da. Animatzen direnek 4 kilometroko lasterketa osatu ahal izango dute. Aurten, San Silvestre lasterketa Zubiondo Plazan hasi eta amaituko da. Irteera 16:40an izango da, baina partaideak 15:30etik aurrera pasatu ahal izango dira lasterketan parte hartzeko kamiseta (doakoa) hartzera.
Zaldibarren, 17:00etan hasiko da IV. San Silvestre lasterketa.
Bestalde, urtero legez, Sare Herritarrak antolatuta, abenduaren 31n San Silvestre lasterketa egingo dute Abadiñon. 12:30ean Muntsaratzen hasiko da lasterketa eta Matienan bukatuko da. Presoen eta iheslarien eskubideen aldeko egitarauaren barruan Matienan urte amaierako ekitaldia egingo dute 18:30ean. Konzentrazioaz gain, Gabonetako otzararen zozketa eta brindisa egingo dituzte.