Neskek mutilek baino arinago kontsumitzen hasteko joera dute gaur egun, alkoholari eta tabakoari dagokionez. Genero biak kontuan hartuta, alkohola da probatzen duten lehen droga; duela urte batzuk tabakoa zen. Alkohola edaten hasteko batazbesteko adina 13 urte eta 3 hiletan dago, eta tabakoarena 14 urte eta 4 hiletan. Hori bai, neskek mutilek baino hilabete batzuk lehenago ekiteko joera dute.
Amankomunazgoak emandako datuak baikorrak dira. Alkoholaren ohiturazko kontsumoa %54,4tik %40,3ra bajatu da 8 urtetan; tabakoarena %26tik % 15,3ra; hatxisarena %17,9tik %7,8ra; marihuanarena % 19,6tik % 11,8ra; speedarena %2,4tik %0,7ra.
Apustuekin kezkatuta
Fernandezek adierazi du alde kezkagarria alkoholarena, sare sozialena eta apustuena direla. Adikzioen sailetik teknologia berrien eraginak eta apustu-jokoenak aztertu dituzte. Sarrionandiak esplikatu du apustuen kasuan askoz gehiago direla mutilak, eta kalean egiten dutela apustu batez ere, Interneten baino gehiago. Gaztetxoek ez omen dute arriskurik ikusten apustuetan, sare sozialetan eta bideo-jokoetan.
