Egoitz Amantegik eta Amaia Araiztegik Kolonbiako munduko pilota txapelketan jokatuko dute

Egoitz Amantegik eta Amaia Araiztegik Kolonbiako munduko pilota txapelketan jokatuko dute
Zapatuan Abadiñon aurkeztu zuten Kolonbiara joango den euskal ordezkaritza.

One Wall edo horma bateko modalitatean ariko dira.

Esku Pilotako Konfederazio Internazionalak antolatuta, 17 herrialdetako pilotariek munduko txapelketan parte hartuko dute azaroaren 18tik 26ra, Kolonbian, Nariño departamentuan kokatuta dagoen San Juan de Pasto hiriburuan. Euskal Herriko koloreak defendatuko dituzten pilotarietako bi Durangaldekoak dira: Egoitz Amantegi abadiñarra eta Amaia Araiztegi mallabiarra. Biak horma bateko modalitatean ariko dira.

Hauek dira parte hartuko duten herrialdeak: Euskal Herria, Italia, Belgika, Holanda, Frantzia Ingalaterra, Mexiko, Venezuela, Ekuador, Bolivia, Uruguai, Txile, Argentina, Kuba, Paraguai, Balentzia eta Kolonbia. Lau modalitatetan jokatuko dute: Llargues, Joko Internazionala, Chaza eta One Wall-a.