MUko Kimuberri saria ANBOTOgaz elkarlanean egindako dokumentalari eman diote

Markel Onaindia 2017ko eka. 16a, 13:33

Ana Alberdi, Irene Arin eta Paul Arzanegi Mondragon Unibertsitateko ikasleek Otxandioko bonbardaketaren inguruko ikus-entzunezkoa egin dute, euren gradu amaierako lanerako baliagarri dena. Otxandioko jaien bueltan estreinatuko da dokumentala, santamañetan bonbardatu baitzuten herria faxistek duela 81 urte.

1936ko uztailaren 22an hegazkinetatik botatako bonbak, airetik jaustean paperak zirela uste zuten otxandiarrek, bonbardaketarik ezagutu bakoak baitziren. Ezusteko beldurgarri hori dokumentalerako hari lez hartuta, Paperak izena ipini diote lanari hiru ikasle gazteek.

Dokumental honegaz, bonbardaketaren testigantza jaso nahi izan du ANBOTOk, 61 hildakoen eta lekuko izan zirenen memoria etorkizunean ahaztu ez dadin.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!