Zoru klausulen gaiagatik, erreklamazio kopurua handitu eta bulegoak gainezka egin zuen orain zenbait hilabete. Horregatik, zerbitzuan aldaketak egin zituen Amankomunazgoak. Martitzen goizetan eta eguenetan erreklamazio horiek jasotzen dituzte bakarrik, eta hitzordua eskatu behar da 94 620 27 07 telefonora deituta edo omic.mdurango@bizkaia.org helbidera idatzita. Beste egunak ohiko erreklamazioetarako gordetzen dituzte. Orain arte behargin bakarra zegoen bulegoan, eta hemendik aurrera bi egongo dira, Amankomunazgoak inbertsioa egin eta gero.
2017an, dagoeneko, 700 erreklamaziotik gora tramitatu dituzte Durangon, Bilbon 450 eta Ezkerraldean 200 izan diren bitartean. Amankomunazgoaren iritziz, "datu hauek bulegoak egiten duen lanaren garrantzia adierazten dute". Maiatzaren 16az geroztik behargin bat gehiago dago bulegoan, finantza erakundeen gehiegizko zoru klausulen dirua bueltatzeko eskariengatik.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!