Aurkezpenean, sormen prozesua nolakoa izan den azaldu eta liburuari lotuta prestatu duten ikus-entzunezkoaren emanaldia egingo dute. Horrez gain, albumean agertzen diren ilustrazio originalak eta bideorako espresuki prestatutako testuak ikusgai daude liburu-dendan, abenduaren hasieratik.
Liburuak harrera onagaz hasi zuen ibilbidea Durangoko Azokan. “Oso pozik gaude izan duen harreragaz, eta liburu normal bat ez izatera, gabonetarako opari berezia izan daitekeela uste dut”, dio Egurenek.
Amurizak eta Egurenek etorkizunean ere elkarregaz lanean jarraitzeko gogoa daukate. “Ideiak buruan baditugu izan, baina forma konkreturik gabe”.
Mursegok lanaren bideoari musika jarri dio. “Liburuaz gain, beste formaturen bat ere egitea gura genuen, eta transmititu gura genituen sentsazioak Mursegok soinuetan islatu ahal zituela iruditu zitzaigun”.