478,5 punturekin, Eneko Abasolok Abarkas hirugarren postua lortu zuen Markina-Xemeinen jokatutako Bizkaiko bertsolari txapelketako finalaurrekoan. Txaber Altubek 450,5 puntu lortu zituen. Irabazleak, Jone Uriak, 514.5 punturekin lortu zuen lehian gailentzea eta finalerako txartela lortzea. Besteak puntuazioen zain geratuko dira.
Aitor Bizkarra abadiñarra eta Beñat Ugartetxea mallabiarra hurrengo asteburuan Basaurin jokatuko den finalaurrekoan arituko dira. Artunduaga kiroldegian izango da saioa, 17:30ean.