Durango Kirol Taldeko Aitor Mimenza elorriarrak Mutrikuko XIV. Herri Krosa irabazi zuen, eta Durangaldea Running-eko Txomin Marañon durangarrak Basauriko XVIII. Lau Zubiak klasikoa. Mimenzak bigarren urtez jarraian irabazi du Mutrikuko proba (10 km), eta iaz berak ezarritako marka hobetu zuen: 31.12 .
Marañonek 42.35eko denboran osatu zituen 12 kilometrokoak. Gorka Bizkarra mañariarra hirugarren sailkatu zen (44.32), eta Alvaro Sandino abadiñarra zortzigarren (46.00). Silvia Trigueros abadiñarrak bigarren amaitu zuen emakumeetan.