Izena ematen duten talde guztietatik bederatzi aukeratuko ditu epaimahaiak, eta azaroaren 16an emango dute jakitera zeintzuk diren finalera ailegatuko diren taldeak. Hautatzen dituzten taldeek Zelaieta zentroko kontzertu gelan joko dute, eta bi sari banatuko ditu epaimahaiak: 1.500 euroko saria jasoko du talderik onenak, eta 500 eurokoa euskarazko kantarik onena aurkezten duen taldeak.
Zornotzako, Abadiñoko, Durangoko eta Iurretako udaletako gazteria sailek antolatu dute Durangaldeko maketa lehiaketaren laugarren edizioa.