N-634 errepiderako sarbideak berrantolatuko dituzte. Horretarako, ezkerretarako biraketak kendu, eta irlatxo deflektoreak jarri dituzte sarrera-irteera guztietan. Pisatzeko baskularen inguruan dagoen noranzko aldaketa ere kendu egingo dute; horren ordez, biribilgune bat egingo dute San Migel ermitaren eta Orobio ibaiko zubiaren artean. Bestalde, N-634 eta BI-3332 errepideen arteko bidegurutzea berrantolatu egingo dute.
Autobus geltoki berri bat ere aurreikusi dute egitasmoan, Bernabeitiarako (Zornotza) sarbidearen alboan. Argiztapena, seinaleak, balizajea eta euspen -sistemak ere hobetuko dira.