Begoña Martinez durangarra (Durango Kirol Taldea) urrezko domina bategaz eta urte askoan iraun dezakeen errekorragaz itzuli da Madrilen (Collado Villalba herrian) jokatu duen Espainiako txapelketatik. F-40 mailan estreinaldi ezinhobea izan du. Heptathlon probetan lortutako 4.340 puntuek lekutan utzi dute aurreko marka (3.582). Esaterako, 800 metrotan erakustaldia eskaini zuen 2.51.54ko denboragaz eta ordura arteko marka txikitu zuen.
Mendizabalek eta Muñoak domina bana
DKT taldeko beste atleta bi ere nabarmendu ziren, biak elorriarrak. Juan Jose Mendizabalek zilarrezko domina jantzi zuen jaurtiketen arloko Pentatlonean. Modalitate berean, Eva Muñoak brontzea irabazi zuen. Balio handiko domina da arerioen maila handia kontuan hartuta.
Begoña Martinez urrezko dominagaz: