Munduko ipuin kontalariek saioak eskainiko dituzte

Anboto 2016ko api. 5a, 10:00
Kamel Zouaoui kontalari aljeriarra da jaialdiko gonbidatuetako bat.

Durangaldean, Berrizko Kultur Etxean, Durangoko liburutegian eta Elorrioko Arriolan eskainiko dituzte emanaldiak, Munduko Kontu Kontalariak jaialdian parte hartzera etorritako ipuin kontalariek.

Apirilaren 7an eta 8an, goizetan Elorrioko ikastetxeetan hainbat emanaldi eskaini eta gero, Duragoko Liburutegian eta Elorrioko Ateneoan izango dira ahozko literaturaren hitzorduak: May Gorostiaga euskaldunaren eta Kamel Zouaoui aljeriarraren istorioak entzun ahalko dira Durangoko liburutegian, 19:00etan; eta Gorostiaga eta Zouaoui ezezik, Nicolas Lubo kolonbiarra, Ekuatore Gineako Bonaí Capote eta Sandra Rossi argentinarra ere arituko dira, 22:00etan, Ateneoan.

Munduko Kontalarien hamaikagarren jaialdia amaitzeko, bestalde, May Gorostiagaren eta Nicolas Luboren istorioek hartuko dute, 20:00etan, Berrizko Kultur Etxea.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!