Aurkezpenean azaldu dutenez, BZK Emakumeen Bira-Smurfit Kappa ez da UCI-ko taldea izango. Bederatzi txirrindularik osatuko dute taldea: Sandra Antón, Chloë Turblin, Esther Muñoz, Laura Méndez, Andrea Fraile, Lorena Ordiñana, Ilda Pereira, Cristina Bru eta Mireia Orengo. Chloë Turblin txirrindulari frantziarrak ezin izan du aurkezpenean parte hartu oporretan baitago. Aurreratu dutenez, Espainiako eta Frantziako kopaz gainera, nazioarteko Durango Emakumeen Sarian eta Emakumeen Biran parte hartuko du.
Bestalde, CAF Transport Engineering taldeak bost txirrindulari izango ditu kadeetan: Andere Basterra, Irama Vega, Joana Irastorza, Amaiur Amilano eta Amaia Lartitegi. Juniorretan hiru txirrindulari ditu taldeak: Aroa Gorostiza, Maialen Aramendia eta Ruth Pérez. Taldeko arduradunek azaldu dutenez, txirrindulari hauek ziklokrosean eta pistan dihardute orain, eta martxoan errepidean izango dira.
