Anbotok gaur 14 urte argitaratu zuen lehenengo alea

Anbotoren lehenengo alea 2001eko azaroaren 9an.

Orduan, 10.000 harpidedunetan jarri zen erronka lehenengo aleko azalak jasotzen duenez. Gaur egun, 11.500 etxetan jasotzen dute barikuro-barikuro Durangaldeko berri euskaraz.

Denbora konturatu gabe joaten da eta, noizean behin —edo urtean behin— ez dago soberan atzera begiratzea, egindako bide luzeari erreparatuz pilak kargatu eta aurrera begirako erronkei gogotsu heltzeko. Berbaroren ekimenez eta Eraz aldizkariaren sustraitik loratutako kimua da Anboto. Gaur egun, enbor bereko hiru adar diren Berbaro, Plateruena eta Anbotok Berbaro Taldea eratzen dute.

Aste honetakoa 610. alea izango da. Kopuru horretara heltzea ezinezkoa izango zen sare zabal baten sostengu barik: Anbotoko Lagun estimatuak, kolaboratzaile prestuak, banatzaile finak, irakurle fidelak, eta modu batera zein bestera proiektua babestu duten udaletxe, enpresa, komertzio eta askotariko erakundeak.

2011n, hamargarren urteurrenean, jaitxo bat egin genuen Plateruenean. Hona orduko irudiak batzen dituen bideoa:


Spot bat ere grabatu genuen hamarkada ospatzeko. Harrezkero, lan taldea berritu da, baina Anboto denen lanaren emaitza da: orain direnena eta iraganean egon zirenena:

Erlazionatuak

Biba zuek!

Erabiltzailearen aurpegia Durangaldea

Azaroaren 9 bat izan zen. Orain 14 urte Erazen lekukoa hartuta, Anbotoren 0 alea kaleratu genuen. Horren ostean beste 610 ale etorri dira. Ez dira ...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.