Lehiaketara aurkeztu gura duten antzerki konpainia edo norbanakoek, www.zubi.eus webguneko formularioa bete, eta ehkozubi@gmail.com helbidera bidali beharko dute, euren proiektuaren inguruko informazioa emanez.
Epaimahaiak aukeratzen duen proiektua gauzatzen laguntzeko, askotariko bitartekoak eskainiko dituzte Zubi lehiaketaren bultzatzaileek; laguntza ekonomikoagaz, sorkuntzarako espazioak eskainiaz edota partaide bakoitzaren premietara egokituriko aholkularitza tekniko zein artistikoagaz lagunduko diete sortzaile gazteei.
Antzerki sorkuntzaren lehiaketa honen aurreko bi edizioetako irabazleek, antzezlan berri bana prestatu eta aurkeztu dute. 2013ko lehenengo deialdiaren emaitza Dxusturi Teatroa taldearen Konpota antzezlana izan zen, eta iaz, tartean Durangaldeko hiru aktore dauzkan Lauka Teatroa konpainiaren Amodioaren ziega burutu zuten, Zubi egitasmoaren bultzadagaz.
Durangoko San Agustin kulturguneak, Kultur Leioak, Hameka Karrikako Arteen Fabrikak, Zornotza Aretoak, Aulestiko Artedrama Topaketak, Baxe Nafarroako Herri Antzokiak, Elorrioko Arriolak eta Zumaiako Udalak babesten dute Zubi egitasmoa.