Zapatu iluntzean jokatu zuten zortzi kilometroko krosa Elgoibarren. Oier Ariznabarretaren atzetik (23.57), Aitor Mimenza elorriarrak (24.10) eta Dabid Garcia durangarrak (25.06) osatu zuten podiuma. Laugarren tokia Roberto Corujo iurretarrarentzat izan zen: 25.47. Emakumeetan Iurreta Fradesek irabazi zuen: 27.19. Sailkapen orokorrean 16. tokian geratu zen.
Elgoibarko gau krosak seigarren aldia egin du aurten eta 157 korrikalarik parte hartu dute. Mintxeta elkartea da antolatzailea eta kros honekin 2016ko urtarrilaren 24ean ospatuko den Juan Muguerza Nazioarteko Krosaren antolaketarako dirua biltzea izan dute helburu.