Uztailean izena eman zuten jubilatu abadiñarrek, berriz, 10:30ean hartuko dute autobusa hartuko dute Urkiolara joateko. Urtero bezala, egitaraua atondu du Abadiñoko Udalak: besteak beste, Abadiñoko jubilatuentzako bazkaria eta bazkalosteko dantzaldia, eta Talde Batuak-eko dantzarien emanaldia izango dira.
Eguna Urkiolako santutegi inguruan pasatu eta gero, 18:00ak aldea herrigunera bueltatu, eta afaritarako elkartuko dira herritarrak Andra Mariko ermitan. Herriko DJ baten emanaldiagaz amaituko dute eguna.
Abadiñarrek ezezik, mañariarrek ere badute Errogatiban Urkiolara joateko ohitura. 12:00etako Urkiolako mezatara joanda ospatuko dute mañariarrek errogatiba eguna.