Gaur egun Alsa konpainiak eskaintzen du zerbitzu hori, 2014a amaitu arte berak dauka-eta adjudikazioa. Erabiltzaileek sarritan agertu dituzte kexak ordutegi murritzagatik, autobusen matxurengatik eta sarritan zerbitzu barik geratu izan direlako; prentsan, udaletan edota martxak eginez kritikatu dute adibidez. Arabako Aldundiaren esku dago linea, eta aurten adjudikazio berria zabaldu du 2015etik aurrera gestionatzeko. Baina erabiltzaileak ez dira ados agertu lizitazio berriko baldintzekin; aldaketa gutxi proposatzen ditu. Alegazio epean egon da adjudikazio prozesua, eta alegazioak aurkeztu dituzte Durango, Izurtza, Mañaria eta Otxandioko udalek. Zenbait erabiltzailek eta elkartek ere proiektuaren aurka egin dute; Otxandioko guraso elkarteak, esaterako.