Joan den asteburuan, durangarrek sailkapen nagusiko hamabigarrenaren aurka irabaztea lortu zuten. Ariz taldekoei lau gol sartzea lortu zuen Ezkurdik. Hurrengo hiru partiduak sailkapen nagusiko hasierako postuetan dauden taldeen kontra izango dituzte: Montefuerte, Bakio eta Astrabuduako B.
Iurretako B-k joan den asteburuan jokatu zuen Astrabuduako “B”ren aurka, sailkapen nagusiko bigarrenen kontra, eta bost eta bat galdu zuten. Bestalde, datozen lau partiduetan iurretarrek aukera paregabea dute sailkapen nagusian gora egiteko. Sailkapen nagusian hamargarren postutik behera dauden taldeen kontra jokatuko baitute.
Datorren larunbatean durangaldeko talde biek etxean jokatuko dute. Larrakozelaian 16:00tan Iurretako B-k Mungiaren aurka jokatuko du. Ezkurdik, Arripausuetan 18:00tan izango du norgehiagoka Montefuerteren kontra.