Talde biak indartsu dabiltza etxean: ez dute partidurik galdu. Bost irabazi eta bi berdindu dituzte. Kulturalak Ugeragaren bisita jasoko du gaur, 18:00etan, eta Iurretakok Santurtziren zelaia bisitatuko du domekan arratsaldean.
Durangaldeak gazte mailetan duen ordezkari nagusia Durangoko Kulturala A da, Euskadiko Ohorezko Mailan. Bigarren itzulia hasita dagoenean, sailkapeneko bederatzigarren tokian daude, goiko postuetatik oso urrun eta beheko postuetatik zazpi puntura.