Antolatzaileek asteon aurreratu dute dagoeneko Greatest Hits Gauan aritzeko izena eman duten Durangaldeko bost taldek zeintzuk talderen bertsioak egingo dituzten: Social Distortion, Milencolin, Red Hot Chilli Peppers, Nirvana eta Radio Birdman taldeen kantak izango dira, bestek beste, entzungai.
Oraindik ere izena eman daiteke parte hartzeko, DK Produkzioak antolatzailearen webgunean. Geheinez 30 taldek parte hartu ahalko dute ekitaldian.
Duela sei urte egin zuten Greatest Hits Gauaren lehenengo edizioa, eta Durangaldeko 25 talde batu ziren ekimenera. Emanaldi bi egin zituzten lehenengo edizioan, Plateruenean.