Datorren martitzenean finalerdiak jokatuko dituzte Amorebieta-Etxanon
Datorren martitzenean, 19:00etan, Cafes Baque pilota txapelketako finalerdiak jokatuko dituzte Amorebieta-Etxanoko pilotalekuan. Protagonistetako bi Iurreta pilota eskolako Gorka Otadui eta Aitor Elordi dira. Biak gazte mailako finalera sailkatzen saiatuko dira. Final laurdenetan Otaduik 22-6 menderatu zuen Fullaondo urduliztarra Lemoan jokatutako partiduan. Elordik, aldiz, 22-12 irabazi zion Mendia zeanuriarrari. Finalerdietan, Otaudik Ibarrondo arrankudiagarra izango du aurkari eta Elordik Etxeberria gernikarra.
Kadateen mailan honakoak dira finalerdiak: Arandia (Arrankudiaga)-Arrizabalaga (Markina) eta Urizar (Markina)-Etxebarria (Lemoa).
Cafes Baque pilota txapelketa Durangaldeko lau herritan jokatzen zen aurten arte. Aurtengo 28. aldia Bizkaia osora zabaldu dute.