Joan zen asteburuan Amorebieta-Etxanoko lehenengo rallysprinta izan zen, eta Durangalde Racing Elkarteko Iban Tarsiciok eta Iñigo Peñak podiumera igotzea lortu zuten hirugarren tokian sailkatuta.
Iker Gayoso-Diego Fernandez eta Gorka Antxustegi-Xabat Urresti bikoteak geratu ziren aurreneko bi tokietan.
Zornotzan batutako puntuekin, Rallysprinten Euskal Txapelketako lider jarraitzen dute Tarsiciok eta Peñak, 175,75 punturekin. Joxe Labaka bigarrenari bost puntuko aldea ateratzen diote; Iker Gayoso hirugarrenari, berriz, 26 puntukoa. Hiru rallysprint falta dira txapelketa amaitzeko: Eibarren, Fiteron eta Aramaion.