Gaur, Bilbon jokatu dituzte Bizkaiko Eskolarteko bertsolari txapelketaren finalak, eta Durangaldeko bost bertsolarik kantatu dute bertan.
Durangaldeko bertsolari bi ailegatu dira txapelketaren XXX. edizioaren nagusien finaleko buruz burukora: Ander Gerrikaetxebarria zornotzarra eta Txaber Altube abadiñarra. Puntuei erantzuten oso ondo aritu da Altube, eta gazteen taldean kantatu zuen anaiari dedikatu dio txapela agurrean: Zenbat aldiz egin dogun / lau errimen ariketa / ze urduri egon zaren / nire alboan tarteka / ze ondo gainditu dozun / gaur finalaren oreka / ta ze trankil hartu dozun / zure lehen txapelketa / sorpresa asko dekozuz / zure barruan gordeta / dana hartzen dozu pozez / dana hartzen dozu barrezka / Bittor txapela zuretzat / gaur merezi dozu eta.
![\"\"](\"/fc_imagenes/brts.jpg\")
Lau laguneko bi taldetan aritu ziren 14 urte arteko bertsolariak: Bizkaiko ekialdea, batetik, eta mendebaldea, bestetik. Durangaldeko Bittor Altube abadiñarrak eta Iruri Altzerreka garaitarrak kantatu dute eskolarteko txapelketaren 14 urtetik beherakoen txapela irabazi zuen ekialdeko taldean.