Joan zen asteburuan Markinan jokatutako Durangaldeko pilota txapelketako finaletan, bina txapel irabazi zituzten Zaldibarrek eta Atxondok
Benjamin B mailan Zaldibarrek erraz menderatu zuen Lea-Ibarra (18-6). Kadeteetan, ostera, lan handiak eman zizkion Durangok (18-14).
Atxondo kimuen A mailan eta gaztetxoen A mailan nagusitu zen. Kimuetan, emaitzak erakusten duena baino lan gehiago egin behar izan zuten Lea-Ibarrari irabazteko (18-12). Gaztetxoetan, berriz, Durangok espero baino estuasun gutxiago eragin zizkion Atxondori (18-4).