Emakumeen Lehenengo erregionalean derbia jokatuko dute bihar, Elorriok eta Iurretakok. Partidua Elorrioko Eleizalde futbol zelaian izango da, 16:00etatik aurrera.
Talde biak sailkapenaren erdian dabiltza. Elorrio indartsu dabil etxean. Orain arte, Eleizalden hiru partidu irabazi dituzte eta bat galdu. Garaipen batzuk gol festagaz amaitu dira; esaterako, Orduña 6-1 menderatu zuten. Iurretako sendo dabil etxetik kanpora; partidu bakarra galdu du. Gainerako hiru lehietan garaipen bi eta berdinketa bat erdietsi ditu.