Finaletan ordezkaritzarik gehien zuen herria izan da eta, gainera, jokatutako hiru finalak irabazi ditu.
Zaldibarko pilotalekuan jokatu dira Durangaldeko Pilota Txapelketako final guztiak. Zaldibarrekin batera Atxondoren jarduna ere nabarmentzekoa da jokatutako hiru finaletatik bi irabazi dituelako; galdutakoa, hain zuzen, Zaldibarren kontrakoa izan da haurren kategorian. Azkenik, nagusietan Durangok ezin izan du irabazi Lea-Ibarraren aurka; partidu estu eta borrokatu batean tantoren biren aldeagaz galdu du. Final denetako sorpresarik handiena benjaminetan eman da. Ligaxkan Elorrio geratu zen lehenengo postuan Atxondo eta gainerako aurkariak menderatuta, baina finalean atxondarrek jantzi dute txapela partidu lehiatu baten ostean.
BENJAMINAK
Elorrio 15-18 Atxondo
KIMUAK
Lea-Ibarra 13-18 Atxondo
HAURREN KATEGORIA
Zaldibar 18-11 Atxondo
KADETEAK
Lea-Ibarra 9-18 Zaldibar
GAZTEAK
Abadiño 9-22 Zaldibar
NAGUSIAK
Durango 20-22 Lea Ibarra