Azken urteetan Durangaldeko bertsozale askorentzat ohitura bilakatu den bertso saioa hartuko du, gaur gauean, Plateruena kafe antzokiak.
Abenduaren 30ean, 22:00etan ipini dute Berbaro euskara elkarteak eta Plateruenak antolatzen duten Urteko Azken Bertso Saiorako. Igor Elortza eta Unai Iturriaga bertsolari durangarrek emandako gaiei erantzuten lau bertsolarik jardungo dute: Sustrai Colina, Maialen Lujanbio, Jon Maia eta Julio Soto gonbidatu dituzte 2011ko Platerueneko azken ekitaldira.