Askondo kobazuloko Goi Paleolitoko margoak berbagai

Beste hainbat gairen artean, Gerediagaren urtekariak arkeologoen azterketa kaleratu du.

Astola urtekariak erreportaje mamitsuz bete ditu bere bosgarren 
edizioko orriak. Durangaldearen inguruko  hainbat ikerketa eskaintzen 
dizkigu aurten ere Gerediaga elkarteak kaleratutako liburuak.
 Guztira hamar ikerketa kaleratu dituzten arren, azalerako Mañarian dagoen Urkuleta auzoko Askondo kobazuloen gaia ekarri dute. 
Goi Paleolito garaiko margoak aurkitu dituzten arkeologoek aurkikuntzaren garrantzia azaltzen dute. Koba barruko irudiak jasotzeko aukera  izan du Gerediaga elkarteak.

Guztira, 10 ikerketa batu dituzte urtekarian, Goi Paleolitoko garaietatik
 hasi eta 2027. urteko Durangaldea zelakoa izan daitekeen irudikatzen 
duen azterketa ere lantzen dute. Arria Erreka, Durangoko emakumeen 
kartzela, trenbideak, Elorrioko petrolioa eta bolbora usaina, Atxondoko udalerria, zuzenbide zibila eta zalantzan dagoen ondare arkitektonikoa ezagutzeko bidea uzten ditu urtekariak.

Dagoeneko salgai

Durangaldeko liburudendetan salgai dago Astola urtekaria. Bost euroko salneurria izango du beste urtebetez, eta Gerediaga elkarteak Durangoko Azokan izango den gune berezian ere salduko da.

Bost urte egin ditu aurten Astolak. Orain arte egindakoari erreparatuz, 50 ikerketa eta 840 orri plazaratu dituzte. “Eskualdeko ikerlari, idazle eta zientzialarien plaza bihurtu da”, azaldu dute.