Asteburuan Federation Cup izeneko txapelketan parte hartuko du euskal selekzioak Italian eta bertako kide dira Mikel Gonzalez eta Itsaso Praderak
Asteburuan Federation Cup izeneko txapelketan parte hartuko du euskal selekzioak Italian eta bertako kide dira Mikel Gonzalez eta Itsaso Praderak.
Lau emakumez eta lau gizonez osatutako zotzikotea gaur abiatu da Loiutik Italiako Imperia herrirantz asteburuan jokatuko den \'One Wall\' jokamoldeko Federation Cup txapelketa jokatzera. Ane Isasmendi, Garazi Martinez, Ane Etxebarria (arabarrak) eta Itsaso Pradera (mallabiarra) nesken taldean eta Iker Gordon, Aitor Erauzkin, Mikel Gonzalez (berriztarra azken hori) eta Unai Alvarado (arabarra) mutilenean gogotsu daude erronka berriaren aurrean.
Euskal pilotariak beti egokitu dira ondo jokamolde irlandarrean eta itxaropentsu doaz emakumeetan zortzi selekziok eta gizonetan hamaseik parte hartuko duten txapelketara. Europako talde onenak batuko dira, eta pilotari australiarrak, kanadiarrak, mexikarrak, estatubatuarrak izango dituzte aurkari, besteak beste. Puerto Rico eta Estatu Batuak dira irabazteko faborito.
[img]http://www.anboto.org/images/8400/8441/1.jpg[/img]