Euskaltel-Euskadiri Tourreko 'Maldan gora' lagunduko dion abestia

Tourra Pirineoetan lehenengoz sartu zenetik 100 urte joan dira eta Euskaltel-Euskadik orain 10 urte parte hartu zuen estrainekoz Frantziako itzulian. Urteurren horiek direla-eta, Etxe musikari berriztarrak \'Maldan gora \'izeneko abestia sortu du. Etxeren esanetan \"taldea bera eta hara doazen zaleak animatzea\" du helburu abestiak. Ez da enkarguz egindako lana izan, ezta berak aspalditik pentsatu zuen kontua ere. Urteurrenak kontuan hartuta eta Euskaltel-Euskadin lagunen bat bazuenez, horrelako abesti bat sortzea aproposa iruditu zitzaion urte hasieran. Euskaltel-Euskadiko arduradunei ideia ona iruditu zitzaien eta lanean hasi zen. Ondoren, Euskaltel-Euskadik Tourrera eramango zuen taldearen aurkezpen ekitaldia aprobetxatu zuten sortutako abestia ere jendaurrean aurkezteko. Gainera, aurten lehenengoz, Etxek Pirineotara joan eta Tourra bertatik bertara jarraitzeko aukera izango du. Orain arte ezin izan du lan arrazoiak medio. Bizikletarako afizioa ere baduenez, ez da lasterketak ikustearekin bakarrik konformatuko. Lehenengo egunean Aubisque igotzeko asmoa du; hurrengoan (atseden eguna tropelarentzat) Luz Ardiden igoko du eta azkenengoan Tourmalet. \"Bai, hainbaten nik neuk beharko du gehien sortu dudan abestia\", onartzen du berriztarrak. [img]http://www.anboto.org/images/7900/7939/1.jpg[/img]